Postal ID

Sinabi ko sa sarili ko, pagsapit ng alas-kwatro ng umaga ay nasa Postal Office na ang aking apat na paa. Oo. Hindi ako tao. Magkamatayan na basta ako ang una sa pila sa pagpapagawa ng Postal ID! Nangungulit na kasi si Ms. Minchin ng Personnel Department. Syempre hindi ako si Sarah. Sapakan na lang.

Para saan ang Postal ID? Kailangan daw kasi ng dalawang valid ID for the making of history of ATM sweldo-ing sa aming mga weak earthlings. Since nagpatulong ako sa SWS na magpasurvey sa mga helpful humans kong ka chat, Postal ID ang ala-Noynoy sa pagkapanalo. Ang SSS ID daw aabot ng isang buwan? Isdatru?

Ang mga susunod na eksena ay halaw sa totoong pangyayari. Alangan namang mag-imbento pa ako? Di kaya ako marunong magsinungaling at baka maging kahoy pa ilong ko at humaba at di ko maiwasang himas-himasin ng mabilis at umapoy ng tunay. Friction beybe!

1. Namasahe ako ng P15 para sa tricycle papuntang Baranggay. Sedula Gotcha!!! Pero Kutongbusog naman!!! P62.70 ang presyo ng tengengenengeng Sedulang to!!! Kung hindi lang urgent. Susunugin ko Baranggay namin!!! Yung hall lang pala.

2. Naglakad-lakad, pumasok sa dressing room, nagpa make-up sa bading, nagpapicture, at tada!!! 2×2 id 4 pcs. at 1×1 id 8 pcs. In short, pumunta ako sa Kodak at nagpapicture. P80 ang naharbat ni ateng palangiti. Hey baka maniwala kayo sa dressing room at bading na make-up artist.

3. Sumakay ng Jeep, P7 ang pamasahe, at naglakad ng mahaba-haba. Bumukas mag-isa ang payong ko at nagsabing SHIELD!!! kasi naman ang araw-araw. Dito na ko sa Postal Office. Pero nagkalabu-labo na ang pormasyon ng mga laman-loob ko ng makita kong Baranggay Clearance ay isa sa rekwayrments. Hinimatay ang ikalimang katauhan ko. Buti na lang may natira pang sampu. P.S. matatapos daw ang ID in 3 working days. Need ko urgent. Pano na?

4. Repeat step # 3 pero in reverse. another P7. Ang init talaga. Balik ako sa Baranggay Hall na buti na lang hindi ko sinunog. Sabi ni ale: “San ka ba nakatira? Ahh… Hindi dito kukunin yon. Doon sa “Blahblah”. Sumakay ka ng tricycle sa tabi at sabihin mong ibaba ka sa “Blahblah”.

5. Sinunod ko si aleng nagkaloob sa akin ng sedulang yari sa ginto. Ang tricycle fare mula sa amin hanggang sa “Blahblah” ay P40.

6. Nandito na ko sa “Blahblah”. Dito pala kami registered sa kung anumang kabulsheetan. Sabi ko: “Mam, kukuha po ako ng baranggay clearance.” Sabi nya: “Para saan?” Sabi ko: “Para sa Postal ID po.” Sabi nya: “Punta ka muna ng Post Office at kuha ka ng form kagaya nito” Sabi ko: “Ho? Gago ba you? Di you kita me? Super Oily pwede ng sahog ng Angel’s Burger? Galing na ko doon, and here ako pumunta to get naman my Brgy Clearance.” (Syempre in polite way ko sinabi, baka di pa ko makakuha ng brgy clearance)

7. Sinabi ni Mam na mayroon pang isang Post Office malapit dito sa “Blahblah”. Sakay lang daw ako ng jeep na may sign na “ikot” at ibaba ako sa Post Office. Ayan may clue na kung saan ang “Blahblah” P7 ulit for riding the jeep na may “ikot” na sign. Astig much. Feeling students me again with my kasamahan in the passenger seats.

8. Mega-pawis na ko all over. Tirik na tirik na parang galit na galit na manok pansabong ang araw. Nakakuha naman ako ng Form para sa application ng Postal ID. Sabi ni ate: “May ilalagay akong stiker ha, bayaran mo na P25 lang.”

9. Nakuha ko na ang form with magical sticker na glow in the dark at glow in the blood nya hinayupakshet sya ano kaya yon nilagay nya. Anyway, hindi ako pwedeng magalit sa kanila, madedelay ang Postal ID ko ng lightyears. Naman. Sakay agad me ng Jeep na may “ikot” na sign para makabalik sa “UPCampus” (Na kanina ay Blahblah). P7 ulit.

10. Parang iba na ang tinatahak ng jeep. Oo, maling signboard ang nasakyan ko sa malamanag sa malamang. I’m uber dead na sa inip dahil may banggaan. 12:20 na ng tanghali. Kainis na much. Umabot ako ng Quezon Ave. Palakpakan! Katangahan! Another P7 papuntang Philcoa. P30 na tricycle naman papuntang UP Campus. Ayoko atang isuma-total ang nagastos ko. So far, gutom na ang katawang lupa ko.

11. Gusto ko atang bigyan ng SPA treatment ang sarili ko, umabot na ko ng number 11 sa pagkwekwento. Naaawa na ko sa aking sarili. UP campus na. Fill-up ang form, thumbmark, pinapirmahan kay kapitana, nag-intay ng matagal dahil dora chikadora si kapitana. P25 ang clearance, P6 ang coke sakto para mahimasmasan ang lowbat kong katawan.

12. Sumakay ulit ng “Ikot” for P7. Nagpababa naman ako sa Shopping Center. Perstaym ko sa UP baket ba. Nagpaphotocopy at nagpaxerox at nagpakopya. P2. Maraming kainan pero dedma lang. Kung baga sa salitang balkita: “KIBER”. Busy ako. Bawal kumain, bawal magsaya.

13. Naglakad-lakad at nagtungo sa Post Office. Nagbayad ng P275 para sa Postal ID. Infairness naman sa Post Office na to. Kahit pinaghintay ako ng 40 minutes. Natapos ang ID ko. Thank you lord talaga. All my hardships ay napalitan ng kaligayahan.

14. Naglakad pabalik shopping center, kumain ng spicy chicken fillet. P60. May nadaanang Mister Donut. P120 para sa isang dosenang pasalubong. P30 Zagu baby size na watermelon. Pampaalis uhaw, at pampakalma.

15. Sumakay ako ng katipunan na signboard. P7. Isa pang jeep. P7. Isa pa ulit dahil naadik ako magjeep. P7. Nagpaphotocopy, nagpaxerox, nagpakopya ng ID, P7.50. Nagtricycle pauwi, P7. Time Check: 4:00PM

THE END!!!

TOTAL EXPENSES: P848.20

SWEAT LOSS: 15 kutsaras, 1 tabo, 32 pataks

BLOOD LOSS: N/A

BRAIN STATUS: Slightly used

REMARKS: Mission Accomplished.

P.S. hindi ako nawawala, wala akong kasalanan, wala akong sakit, at ako si Jason. ?